ႁူဝ်ၶေႃႈၵၢၼ်ႁဵၼ်းတႃႇၸုမ်ႈၶူး BA လိၵ်ႈလူင်

တႃႇႁႂ်ႈပဵၼ် လွင်ႈၸွႆႈထႅမ် လုၵ်ႈႁဵၼ်းၶဝ် ၼၼ်ႉ ၸုမ်ႈၶူး BA ၼႆႉ မီး (12) ဝိၶျႃး ဢၼ် တေလႆႈႁဵၼ်းဢဝ် မိူၼ်ၸိူင်ႉၼင်ႇ ၼေဝႆႉ ပႃႈ တႂ်ႈၸိူဝ်းၼႆႉယဝ်ႉ-

1. လဵပ်ႈႁဵၼ်းလွင်ႈလိၵ်ႈလူင် လႄႈ ၽိင်ႈ လိၵ်ႈလူင်၊
2. လၢႆးတႅမ်ႈႁေႃးလိၵ်ႈလူင်၊
3. ထတ်းသၢင်လွၵ်းလၢႆးတႅမ်ႈလိၵ်ႈလူင်၊
4. ၵၢၼ်ၵမ်ႇထၢၼ်း ၼႂ်းလိၵ်ႈလူင်၊
5. ၼႄႉၼမ်း ထမ်းပိတၵတ်ႈ လႄႈ လဵပ်ႈႁဵၼ်းသုတ်တ၊
6. ဢၽိထမ်ႇမႃႇ တႃႇၸႂ်ႉၵူႈဝၼ်း၊
7. ၽႃႇသႃႇၽႃႇလိ၊
8. ၽိင်ႈငႄႈဝိၼယတႃႇပုတ်ႉထၽႃႇသႃႇ
9. ပိုၼ်ႉထၢၼ်ဢင်းၵိတ်ႉပုတ်ႉထၽႃႇသႃႇ
10. ပိုၼ်းပုတ်ႉထသႃႇသၼႃႇထေႇရဝၢတ်ႈ
11. ပိုၼ်းတႆးလႄႈ သႃႇသၼႃႇ
12. ဢႃႇယုဝေႇတ 
    

လၢႆးသူင်ႇၽွမ်ႇ လႄႈ လိၵ်ႈၵမ်ႉ

ပေႃးထႅမ်ၽွမ်ႇလႄႈ မီးလိၵ်ႈၵမ်ႉတဵမ်ထူၼ်ႈယဝ်ႉၸိုင် လၢႆးသူင်ႇၸူး တီႈၸၼ်ႉၸွမ် မီးယူႇ (3) လၢႆး

1. သူင်ႇၶဝ်ႈၼႂ်း Email: cmsoffice.ssbu@gmail.com
2. တမ်တူဝ်မႃးသူင်ႇထိုင် တီႈလုမ်းပၢႆးပၺ်ႇၺႃႇ ၊ ၸၼ်ႉၸွမ်ပုတ်ႉထမိူင်းတႆး။
3. သူင်ႇမႃး ၼႂ်းပုင်းလိၵ်ႈ (စာတိုက်) 

ကျောင်းသားလက်ခံရာဌာန၊ ရှမ်းပြည်နယ်ဗုဒ္ဓတက္ကသိုလ်၊ ဘုရားဖြူရပ်ကွက်၊ ပညာဗောဓိလမ်း၊ 

တောင်ကြီးမြို့၊ ရှမ်းပြည်နယ်။ မၢႆၽူၼ်း (+95) 9892628215

မၢႆတွင်း

သင်လႆႈႁပ်ႉၶၢမ်ႇလိူၵ်ႈ ၶဝ်ႈပဵၼ် ၽူႈမီးၼမ်ႉၵတ်ႉ တႃႇတွပ်ႇလိၵ်ႈၶဝ်ႈၸၼ်ႉၸွမ်ယဝ်ႉၸိုင် တေပွင်ႇၶၢဝ်ႇမႃး တင်းဢီး မေးလ် ဢမ်ႇၼၼ် တေသိုပ်ႇၽူင်းပွင်ႇၶၢဝ်ႇမႃးပၼ်။

ၽႂ်တေတၢင်ႇလဝ်ႈ ၶဝ်ႈပဵၼ်လုၵ်ႈႁဵၼ်း ၸုမ်ႈၶူး B.A လိၵ်ႈလူင်ၼႆႉလႆႈ 

တႃႇတေၶဝ်ႈ သွၼ်ဢဝ် ၸုမ်ႈၶူး B.A လိၵ်ႈ လူင်လႆႈၼႆႉ ႁႂ်ႈပဵၼ်ၽူႈ ဢၼ်လူင်ႉလႅၼ်ႇ လိၵ်ႈလူင်လႄႈ ၽိင်ႈလ်ိၵ်ႈလူင် မီးၼမ်ႉၵတ်ႉ တႅမ်ႈလႆႈ လူလႆႈလိၵ်ႈလူင် ဢမ်ႇၼၼ် လိၵ်ႈ ဢေႃးၽႃႇ မင်ႇၵလႃႇ၊ လိူဝ်သေၼႆႉ ႁႂ်ႈပဵၼ် ၽူႈ ဢၼ်မေႃတႅမ်ႈ မေႃလူ လိၵ်ႈမၢၼ်ႈ ဢၼ်ၵပ်းၵၢႆႇလူၺ်ႈ လွင်ႈပုတ်ႉထၽႃႇသႃႇ ၸိူဝ်းၼႆႉယဝ်ႉ။

ပိူင်ထတ်းၼမ်ႉၵတ်ႉလုၵ်ႈႁဵၼ်း  

ပိူင်ထတ်း လုၵ်ႈႁဵၼ်းဢၼ်ၼႆႉ ၸၢင်ႈႁဵတ်းႁႂ်ႈ လုၵ်ႈႁဵၼ်းၶဝ် မီးၼမ်ႉၵတ်ႉ မေႃလူမေႃတႅမ်ႈ ၽၢႆႇလိၵ်ႈလၢႆး၊ ၼႂ်းပိူင်ထတ်းၽၢႆႇလဵပ်ႈႁဵၼ်း လိၵ်ႈလူင်ၼႆႉ ပႃးဝႆႉ လွင်ႈႁုပ်ႈၵႅပ်ႈလ်ိၵ်ႈ၊ လွင်ႈ တႅမ်ႈ ဢႅတ်ႉသေးပွတ်း၊ လွင်ႈတႅမ်ႈဢႅတ်ႉ သေးယၢဝ်း၊ ISP၊ လွင်ႈၶိုၼ်ႈႁွတ်ႈ ပၢင်သွၼ် ၵူႈဝၼ်းလႄႈ လွင်ႈတႅမ်ႈတွပ်ႇလိၵ်ႈ ၸိူဝ်းၼႆႉ ယဝ်ႉ၊ ၼႂ်းပိူင် ထတ်းၸိူဝ်းၼႆႉ လွင်ႈတႅမ်ႈ တွပ်ႇလိၵ်ႈၸမ်ႉ ပဵၼ်တႃႇ ဝိၶျႃးပႃႇလိ လႄႈ ဢင်းၵိတ်ႉၵူၺ်း။

ပၵ်းယဵမ်ႈဝၼ်းၶၢဝ်းယၢမ်းၵၢၼ်ႁဵၼ်း

1. 1.ၶၢဝ်းယၢမ်းထိူမ်းၼိုင်ႈ - လိူၼ် May တေႃႇထိုင် လိူၼ် July ၼႆႉ တေလႆႈၶိုၼ်ႈႁဵၼ်း။ 
2. 2.ၶၢဝ်းယၢမ်းထိူမ်းသွင် - လိူၼ် August တေႃႇထိုင် လိူၼ် October ၼႆႉ တေလႆႈၶိုၼ်ႈႁဵၼ်း။ 
3. 3.ၶၢဝ်းယၢမ်းထိူမ်းသၢမ် - လိူၼ် December တေႃႇထိုင် လိူၼ် February ၼႆႉ တေလႆႈၶိုၼ်ႈႁဵၼ်း။ 

ၵႃႈၸႂ်ႉၸၢႆႇ တီႈယူႇလႄႈ လွင်ႈၵိၼ်ယႅမ်ႉ

တွၼ်ႈတႃႇၸဝ်ႈသင်ႇၶတေႉ ၵႃႈၶိုၼ်ႈႁဵၼ်း ၵႃႈယူႇသဝ်းလႄႈ ၵႃႈၵိၼ်သုင်း ဢမ်ႇလႆႈ ပၼ်၊ တွၼ်ႈတႃႇ ၵူၼ်းႁိူၼ်းၵေႃႈ ၵႃႈၶိုၼ်ႈ ႁဵၼ်းလႄႈ ၵႃႈၵိၼ်ယႅမ်ႉ ဢမ်ႇလႆႈပၼ်ၼင်ႇ ၵဝ်ႇ၊ လွင်ႈယူႇသဝ်းတေႉ တေၸွႆႈႁႃပၼ် တီႈ သၢင်ႇထုၵ်ႇယူႇယဝ်ႉ။

ပေႃးႁပ်ႉပဵၼ် လုၵ်ႈႁဵၼ်းယဝ်ႉၸိုင် ၵႃႈၸႂ်ႉၸၢႆႇ ပႃႈတႂ်ႈၸိူဝ်းၼႆႉတေႉ တေလႆႈၸၢႆႇ ႁင်းၵူၺ်း-

1. ၵႃႈမိူဝ်ႈသႂ်ႇ သဵၼ်ႈမၢႆ ၶဝ်ႈပဵၼ်လုၵ်ႈ ႁဵၼ်း၊
2. ၵႃႈႁူင်းတူၺ်းလိၵ်ႈလႄႈ ၵႃႈသၢႆႈ (ပေႃး ဢဝ် ပပ်ႉယွၵ်း/ပပ်ႉႁၢႆ)၊
3. ၵႃႈထႆႇၽိုၼ်မိူၼ် လႄႈ ထုၵ်ႈလိၵ်ႈ၊
4. ၵႃႈၸႂ်ႉၸၢႆႇ ပုၼ်ႈတႃႇ ဢွၵ်ႈၶၢဝ်းတၢင်း လဵပ်ႈႁဵၼ်းၶူၼ်ႉၶွႃႉ၊
5. ၵႃႈၸႂ်ႉၸၢႆႇ ႁပ်ႉၸုမ်ႈၶူး၊

ၽူႈတေတၢင်ႇလဝ်ႈၶဝ်ႈလုၵ်ႈႁဵၼ်း ၸုမ်ႈၶူး BA လိၵ်ႈလူင်လႆႈ 

• တေလႆႈပဵၼ်ၽူႈလူင်ႉလႅၼ်ႇလိၵ်ႈလူင်လႄႈ ၽိင်ႈလိၵ်ႈလူင် 
• တေလႆႈမီးၼမ်ႉၵတ်ႉတႅမ်ႈလႆႈ၊ လူလႆႈလိၵ်ႈလူင် ဢမ်ႇၼၼ် လိၵ်ႈဢေႃးၽုႇမင်ႇၵလႃႇ။ 
• တေလႆႈပဵၼ်ၽူႈၵေႃႉဢၼ်မေႃတႅမ်၊ မေႃလူလိၵ်ႈမၢၼ်ႈ ဢၼ်ၵပ်းၵၢႆႇလူၺ်ႈလွင်ႈပုတ်ႉထၽႃႇသႃႇ။ 

ၽိုၼ်လိၵ်ႈၵမ်ႉ တႃႇတၢင်ႇလဝ်ႈၶဝ်ႈပဵၼ်လုၵ်ႈႁဵၼ်း (သူင်ႇၸွမ်းၽိုၼ်တၢင်ႇလဝ်ႈ)  

1. တေလႆႈတႅမ်ႈမႃး လင်ႇၵႃႇယၢဝ်း (12) ပႅၵ်ႈ တေႃႇထိုင် (16) ပႅၵ်ႈ၊ လင်ႇၵႃႇ ပွတ်း 50 ပႅၵ်ႈ၊ ဢဝ်လိၵ်ႈ လူင်ဢၼ် တႅမ်ႈဝႆႉ ဢမ်ႇၼၼ် ၽိုၼ်လိၵ်ႈၶူၼ်ႉ ၶႂႃႉ ၼႂ်းလိၵ်ႈလူင် သေ ၽိုၼ်ၽိုၼ်။
2. ၽိုၼ်လိၵ်ႈသုၼ်ႇတူဝ် (Personal Statement) ဢၼ်တႅမ်ႈသပ်းလႅင်းၼႄ လွင်ႈၸဝ်ႈၵဝ်ႇ သူၼ်ၸႂ် ၶႂ်ႈၶဝ်ႈႁဵၼ်းၸုမ်းၶူး BA လိၵ်ႈလူင်လႄႈ တင်းတူဝ်ထူပ်းၸဝ်ႈၵဝ်ႇ။ 
3. ၽိုၼ်မိူၼ် ဝႂ်ဢွင်ႇ ပူၼ်ႉၸၼ်ႉလိၵ်ႈ (ၸၼ်ႉလူင်၊ ၸၼ်ႉသိပ်း) ဢမ်ႇၼၼ် ဝႂ်ယုၵ်ႉယွင်ႈ ဢၼ်ၼႄၼမ်ႉၵတ်ႉၸဝ်ႈ ၵဝ်ႇ။
4. လိၵ်ႈၵမ်ႉ ၸဝ်ႈၼင်ႈၵျွင်း ဢၼ်ၸဝ်ႈ ၵဝ်ႇႁဵတ်းၸရေး၊ ဢမ်ႇၼၼ် ႁူဝ်ပဝ်ႈ ဝၢၼ်ႈ ၽူႈပွင်ၵၢၼ် ၶွၼ်ႇၾရႅၼ်ႉ လိၵ်ႈလူင်။
5. ဝႂ်ၵူတ်ႇၸႅတ်ႈပၢႆးယူႇလီ။
6. ၽိုၼ်မိူၼ်ဝႂ်ၵပ်းတူဝ်/ မၢႆၽၢင်။ 

ဝၼ်းပိၵ်ႉၽိုၼ်တၢင်ႇလဝ်ႈ

ၽူႈဢၼ်သူၼ်ၸႂ် တၢင်ႇလဝ်ႈ ၶဝ်ႈႁဵၼ်း ၼၼ်ႉ ၶႅၼ်းတေႃႈ သူင်ႇၽိုၼ်တၢင်ႇလဝ်ႈမႃး ၸဝ်ႉၸဝ်ႉၸဵဝ်းၸဵဝ်း ၵႃႈၼင်ႇ ပဵၼ်လႆႈသေ ၵမ်း၊ ဝၼ်းႁပ်ႉ ၽိုၼ်တၢင်ႇလဝ်ႈ လိုၼ်း သုတ်းၸမ်ႉ ပဵၼ် လိူၼ်ၽေႇၽေႃႇဝႃႇရီႇ ဝၼ်းထိ 1 ပီ 2026 ၼီႈ (ဝၼ်းဢႃးတိတ်ႉ)။ ပေႃးတူၵ်း လိုၼ်းသေၼၼ်ႉၸိုင် ဢမ်ႇၸၢင်ႈ ႁပ်ႉဢဝ်ၶဝ်ႈတႅမ်ႈတွပ်ႇတီႈၸၼ်ႉၸွမ်လႆႈ။

ဝၼ်းတွပ်ႇၶဝ်ႈလႄႈတွင်ႈထၢမ်

ၽူႈဢၼ်လႆႈထိူၵ်ႈ လိူၵ်ႈၶဝ်ႈႁဵၼ်းလိၵ်ႈ တီႈ ၸၼ်ႉၸွမ်ၼၼ်ႉ တေလႆႈ ထုၵ်ႇၽိတ်ႈမွၵ်ႇ မႃး တွပ်ႇၶဝ်ႈလႄႈ တွင်ႈထၢမ် ၼႂ်းလိူၼ် March ပီ 2026 ၼၼ်ႉယဝ်ႉ။ တီႈပၢင်တွပ်ႇလိၵ်ႈၼၼ်ႉ ၽူႈဢၼ်တေၶဝ်ႈ ပဵၼ် လုၵ်ႈႁဵၼ်းတီႈၸၼ်ႉၸွမ်ႉၼႆႉ တေလႆႈ တွပ်ႇပၼ် ၶေႃႈထၢမ်ဢၼ်ၵပ်းၵၢႆႇ ပိူၼ်ႉႁူႉ ပႃႈတႂ်ႈၸိူဝ်းၼႆႉယဝ်ႉ-

1. ႁႂ်ႈႁေႃးၼႄ လႄႈ သပ်းလႅင်းထတ်း သၢင်ၼႄ လိၵ်ႈလင်ႇၵႃႇလူင် ဢမ်ႇ ၼၼ် ၽိုၼ်လိၵ်ႈၶူၼ်ႉၶွႃႉ ဢၼ်ၸဝ်ႈ ၵဝ်ႇတၢင်ႇမႃး၊
2. လိၵ်ႈမၢၼ်ႈလႄႈ ၵႂၢမ်းမၢၼ်ႈ၊
3. ပိုၼ်ႉထၢၼ် ၽႃႇသႃႇပႃႇလိ၊
4. ပိုၼ်ႉထၢၼ်တၢင်းႁူႉထမ်းပိတၵၢတ်ႈ၊