လွင်ႈလႆႈမႃးလဵပ်ႈႁဵၼ်ႈဢဝ် ၸုမ်ႈၶူႈ MA လိၵ်ႈ လူင် 

ၸုမ်ႈၶူႈ MA လိၵ်ႈလူင်ၼႆႉ တေလႆႈႁဵၼ်းဢဝ် လၢႆးလူလၢႆးတႅမ်ႈလိၵ်ႈ ၸၼ်ႉသုင်လိူဝ် BA တီႈ ၶူးသွၼ်ၶဝ် ထႅင်ႈဢိတ်းၼိုင်ႈယဝ်ႉ၊ ၸုမ်ႈ ၶူႈ MAၼႆႉ ၸဝ်ႈၶူးလူင်တွၵ်ႉတႃႇ ၶမ်းမၢႆ ထမ်ႇမ သႃႇမိ မီးတၢင်းယိူင်းဢၢၼ်း ႁႂ်ႈလုၵ်ႈႁဵၼ်း ၸိူဝ်းလႆႈၸုမ်ႈၶူးပီႇဢေႇ လိၵ်ႈလူင်လႄႈ တၢင်ႇဝိၶျူးၶဝ် ႁႂ်ႈလႆႈသိုပ်ႇႁဵၼ်း ထမ်းပုတ်ႉထ ႁူမ်ႈလူၺ်ႈလိၵ်ႈလင်ႇၵႃႇထႅင်ႈလႄႈ ၸင်ႇလႆႈ ပိုတ်ႇႁပ်ႉလုၵ်ႈႁဵၼ်း MA ယဝ်ႉ၊ ၶူးပူင်သွၼ် ၶဝ်ၼႆႉ ပဵၼ်ၸဝ်ႈသင်ၶႃႉ လႄႈ ၵူၼ်းႁိူၼ်း ၽူႈဢၼ်လႆႈၸုမ်ႈၶူး ထမ်ႇမႃႇၸရိယ ၸုမ်ႈၶူး MA, PhD ၼႂ်းမိူင်းလႄႈ ၼွၵ်ႈမိူဝ်း  မိူၼ် ၼင်ႇ မိူဝ်းဢိင်ႇၵလၼ်ႇ မိူင်းသီႇရိလင်းၵႃ မိူဝ်းဢိၼ်ႇတီးယိူဝ်း မိူင်းႁွင်ႇၵွင်ႇၸိူဝ်းၼႆႉ ယဝ်ႉ၊ လိူဝ်သေၼႆႉ သမ်ႉပဵၼ်ၶူးသွၼ် ၽူႈမီး တူဝ်ထူပ်း ၼႂ်းၵၢၼ်သွၼ်ႁဵၼ်း တီႈၸၼ်ႉ ၸွမ် ၼႂ်းမိူင်းၼွၵ်ႈမိူင်းထႅင်ႈ၊  လွင်ႈသွၼ် ႁဵၼ်း တီႈၸၼ်ႉၸွမ် ပုတ်ႉထမိူင်းတႆးၼႆႉ တူၺ်းႁၼ် ၽွၼ်းလီ လုၵ်ႈႁဵၼ်းသေ ပူင် သွၼ်ၵွႃႇလႄႈ ပဵၼ်လၢႆး ဢဝ်လုၵ်ႈႁဵၼ်း ပဵၼ် သူၼ်ၵၢင် ဢၼ်ဝႃႈ “Student Cantered Learning” ၼၼ်ႉယဝ်ႉ၊ လုၵ်ႈ ႁဵၼ်းၶဝ် တေလႆႈပိုင်ႈဢိင်ႁူင်းတူၺ်းလိၵ်ႈ ၵမ်ႉၼမ်သေ လေႈ တႅမ်းလိၵ်ႈၶူၼ်ႉၶွႃႉ ဢွင်ႇပူၼ်ႉၸၼ်ႉ လႆႈ ၸုမ်ႈၶူးၵွႃႇ ၽႂ်မၼ်း၊ ၵွပ်ႈ ၼၼ်လႄႈလုၵ်ႈ ႁဵၼ်းၸိူဝ်း ဢၼ်လႆႈလဵပ်ႈ ႁဵၼ်းဢဝ် ၸုမ်ႈၶူး MA ၼႆႉ တေမီးၼမ်ႉၵတ်ႉ မိူၼ်ၸၼ်ႉၸွမ် မိူဝ်း ဝၼ်းတူၵ်းယူႇယဝ်ႉ။ 

ၸၼ်ႉၸွမ်ပုတ်ႉထမိူင်းတႆးၼႆႉ ႁၢင်ႈႁႅၼ်းဝႆႉ ပၼ် ႁူင်းတူၺ်းလိၵ်ႈ တႃႇလုၵ်ႈႁဵၼ်းၶဝ် တဵမ်ထူၼ်ႈယဝ်ႉ၊ ၼႂ်းႁူင်းတူၺ်းလိၵ်ႈၼႆႉ မီး လိၵ်ႈလူင်တြႃးၸဝ်ႈ မွၵ်ႈ 4,000 မူႇလိူဝ်လိူဝ်၊ လိူဝ်သေၼႆႉ သမ်ႉမီးထႅင်ႈ ထမ်းပိတၵၢတ်ႈ လႄႈ လိၵ်ႈတၢင်းႁူႉတၢင်းႁဵၼ် ၼႂ်းထမ်းပုတ်ႉ ထၽႃႇသႃႇ ၽိုၼ်ပွင်း 55,000 ပၢႆၼႆႉယဝ်ႉ၊ ၽိုၼ်ႈလိၵ်ႈၸိူဝ်းၼႆႉ ၵမ်ႉၼမ်ပဵၼ်ၽိုၼ်လိၵ်ႈ ၶူၼ်ႉၶွႃႉ ဢၼ်တၢမ်တူဝ် ၸဝ်ႈၶူးလူင် တွၵ်ႉတႃႇ ၶမ်းမၢႆ ထမ်ႇမသႃမိ ဢွၼ်ႁူဝ်တပေးတၵႃႇ တီႈၸမ်/ၵႆ သိုဝ်ႉမႃး မိူင်းဝၼ်းတူၵ်း မိူင်းဢ မေရိၵ မိူဝ်းဢႃႇ သျူႉသေလႄႈ လူႇတၢၼ်းဝႆႉ မူတ်းမူတ်းယဝ်ႉ၊ ႁဝ်းယိူင်းဢၢၼ်ဝႆႉ မိူဝ်းၼႃႈမႃး ႁူင်းတူၺ်းလိၵ်ႈလင်ၼႆႉ ႁႂ်ႈပဵၼ် ႁူင်းတူၺ်း လိၵ်ႈ ၸၢင်းပုတ်ႉထေႇရဝၢတ်ႈ ဢၼ်မီးၽိုၼ် ဢိင် ၵူႈၽႃႇသႃႇသေလႄႈ ပဵၼ်တီႈလုၵ်ႈႁဵၼ်း တၢင်းၼမ် လႆႈမႃးလဵပ်ႈႁဵၼ်း တၢင်းၼမ် လႆႈ မႃးလဵပ်ႈႁဵၼ်း ႁႃတၢင်း ႁူႉယူယဝ်ႉ။

လၢႆးသူင်ႇၽွမ်ႇ လႄႈ လိၵ်ႈၵမ်ႉ

ပေႃးထႅမ်ၽွမ်ႇလႄႈ မီးလိၵ်ႈၵမ်ႉတဵမ်ထူၼ်ႈယဝ်ႉၸိုင် လၢႆးသူင်ႇၸူး တီႈၸၼ်ႉၸွမ် မီးယူႇ (3) လၢႆး

1. သူင်ႇၶဝ်ႈၼႂ်း Email: cmsoffice.ssbu@gmail.com
2. တမ်တူဝ်မႃးသူင်ႇထိုင် တီႈလုမ်းပၢႆးပၺ်ႇၺႃႇ ၊ ၸၼ်ႉၸွမ်ပုတ်ႉထမိူင်းတႆး။
3. သူင်ႇမႃး ၼႂ်းပုင်းလိၵ်ႈ (စာတိုက်) 

 ကျောင်းသားလက်ခံရာဌာန၊ ရှမ်းပြည်နယ်ဗုဒ္ဓတက္ကသိုလ်၊ ဘုရားဖြူရပ်ကွက်၊ ပညာဗောဓိလမ်း၊ 

 တောင်ကြီးမြို့၊ ရှမ်းပြည်နယ်။ မၢႆၽူၼ်း (+95) 9892628215

မၢႆတွင်း

သင်လႆႈႁပ်ႉၶၢမ်ႇလိူၵ်ႈ ၶဝ်ႈပဵၼ် ၽူႈမီးၼမ်ႉၵတ်ႉ တႃႇတွပ်ႇလိၵ်ႈၶဝ်ႈၸၼ်ႉၸွမ်ယဝ်ႉၸိုင် တေပွင်ႇၶၢဝ်ႇမႃး တင်းဢီး မေးလ် ဢမ်ႇၼၼ် တေသိုပ်ႇၽူင်းပွင်ႇၶၢဝ်ႇမႃးပၼ်။

ႁူဝ်ၶေႃႈၵၢၼ်ႁဵၼ်းတႃႇၸုမ်ႈၶူး MA 

တႃႇၸုမ်ႈၶူး MA ၼႆႉ မီး 12 ဝိၶျူး မိူၼ်ၸိူင်ႉ ၼင်ႇ ဢၼ်ၼႄဝႆႉ ပႃႈတႂ်ႈၸိူဝ်းၼႆႉယဝ်ႉ- 

1.  ပႃႇလိထၢၼ်ႈသုင်၊
2. လဵပ်ႈႁဵၼ်းပိုၼ်းၼႂ်းလိၵ်ႈလူင်၊
3. လဵပ်ႈႁဵၼ်းၽႃႇဝၼႃႇၵၢၼ်ၵမ်ႇမထၢၼ်း ၼႂ်းလိၵ်ႈလူင်၊
4. လဵပ်ႈႁဵၼ်းဝိၼယပိတၵတ်ႈ၊
5. လဵပ်ႈႁဵၼ်းသုတ်ႉတပိတၵတ်ႈ၊
6. လဵပ်ႈႁဵၼ်းဢၽိထမ်ႇမပိတၵတ်ႈ၊
7. ၶေႃႈထၢမ်တွပ်ႇ ၼႂ်းမိလိၼ်ႇတပၺ်ႁႃ၊
8. လဵပ်ႈႁဵၼ်းထမ်းပုတ်ႉထ ၸႂ်ႉတိုဝ်းၼႂ်းၽဝၵူႈဝၼ်း၊
9. ၽိင်ႈထုင်းထေႇရဝႃႇတပုတ်ႉထၽႃႇသႃႇ
10. ဢဝ်ထမ်းပုတ်ႉထသင်ႇသွၼ်ၸႂ်၊
11. Study skill and Research Methodology
12. Buddhist English 

ပၵ်းယဵမ်ႈဝၼ်းၶၢဝ်းယၢမ်းၵၢၼ်ႁဵၼ်း

1. ၶၢဝ်းယၢမ်း ၵၢၼ်ႁဵၼ်း ၸုပ်ႈၼိုင်ႈ-လိူၼ် May တေႃႇထိုင် လိူၼ် July ၼႆႉ တေလႆႈ ၶိုၼ်ႈႁဵၼ်း၊
2. ၶၢဝ်းယၢမ်း ၵၢၼ်ႁဵၼ်း ၸုပ်ႈသွင်- လိူၼ် August တေႃႇထိုင် လိူၼ် October တေလႆႈၶိုၼ်ႈႁဵၼ်း၊ 
3. ၶၢဝ်းယၢမ်း ၵၢၼ်ႁဵၼ်း ၸုပ်ႈသၢမ်- လိူၼ် December တေႃႇထိုင် လိူၼ် February ၼႆႉ တေလႆႈ ၶိုၼ်ႈႁဵၼ်း။

ပိူင်ထတ်းၼမ်ႉၵတ်ႉလုၵ်ႈႁဵၼ်း

ပိူင်ထတ်း လုၵ်ႈႁဵၼ်းၶဝ်ၼႆႉ ၸၢင်ႈႁဵတ်ႈ ႁႂ်ႈမီး ၼမ်ႉၵတ်ႉ ၼႂ်းၽၢႆႇလိၵ်ႈလၢႆးမႃႈယဝ်ႉ၊ ၼႂ်းပိူင် ထတ်းၼမ်ႉၵတ်ႉ ၽၢႆႇလဵပ်ႈႁဵၼ်းလိၵ်ႈ လူင်ၼႆႉ ပႃးဝႆႉလွင်ႈႁုပ်ႈၵႅပ်ႈလိၵ်ႈ၊ လွင်ႈတႅမ်ႈ ဢႅတ်ႉသေးပွတ်း၊ လွင်ႈတႅမ်ႈဢႅတ်ႉသေး ယၢဝ်း၊ လွင်ႈ တႅမ်ႈလိၵ်ႈလင်ႇၵႃႇ၊ တႅမ်ႈ ISP လႄႈ Dissertation၊ လွင်ႈၶိုၼ်ႈႁွတ်ႈ တႅမ်ႈတွပ်ႇ လိၵ်ႈ၊ ၼႂ်းပိူင်ထတ်းၼမ်ႉၵတ်ႉတိူဝ်းၼႆႉ လွင်ႈ တႅမ်ႈတွပ်ႇလိၵ်ႈၸမ်ႉ ပဵၼ်တႃႇ ဝိၶျူးပႃႇလိ ၵူၺ်းယဝ်ႉ။

ၵႃႈၸႂ်ႉၸၢႆႇ တီႈယူႇလႄႈ လွင်ႈၵိၼ်ယႅမ်ႉ

ၶိုၼ်ႈႁဵၼ်းၶဝ် ၸိူဝ်းၶဝ်ႈမႃး သွၼ်ဢဝ်ပၺႃႇ ၸမ်ႉ ၵႃႈယူႇသဝ်းလႄႈ ၵႃႈၵိၼ်သုင်း ဢမ်ႇလႆႈ ပၼ်၊ ႁူမ်ႈဝႃႈၼၼ်ၵေႃႈ ၵႃႈၸႂ်ႉၸၢႆႇ ပႃႈတႂ်ႈ ၸိူဝ်းၼႆႉတႄႉ တေလႆႈပၼ်ယဝ်ႉ-

1. လွင်ႈၸႂ်ႉၸၢႆႇ သႂ်ႇသဵၼ်ႈမၢႆ လုၵ်ႈႁဵၼ်း၊
2. ၵႃႈႁူင်းတူၺ်းလိၵ်ႈလႄႈ ၵႃႈသၢႆႈ (ပေႃး ဢဝ် ပပ်ႉယွၵ်း/ပပ်ႉႁၢႆ)၊
3. ၵႃႈထႆႇၽိုၼ်မိူၼ် လႄႈ ထုၵ်ႈလိၵ်ႈ၊
4. ၵႃႈၸႂ်ႉၸၢႆႇ ပုၼ်ႈတႃႇ ဢွၵ်ႈၶၢဝ်းတၢင်း လဵပ်ႈႁဵၼ်းၶူၼ်ႉၶွႃႉ၊
5. ၵႃႈၸႂ်ႉၸၢႆႇ ႁပ်ႉၸုမ်ႈၶူး၊

ၽူႈတေတၢင်ႇလဝ်ႈ ၶဝ်ႈပဵၼ်လုၵ်ႈႁဵၼ်း ၸၼ်ႉၶူး MA လိၵ်ႈလူင်လႆႈ

• တေလႆႈပဵၼ် လုၵ်ႈႁဵၼ်းဢၼ်လႆႈၸုမ်းၶူး BA လိၵ်ႈလူင် တီႈၸၼ်ႉၸွမ်ပုတ်ႉထမိူင်းတႆးလႄႈ တၢင်ႇ ၶေႃးလဵၵ်ႉ။ 
• တေလႆႈပဵၼ် ၵေႃႉဢၼ်လႆႈၸုမ်ႈၶူး BA တၢင်ႇၸၼ်ႉၸွမ်လႄႈ ၸုမ်ႈၶူးသႃႇသၼထၸထမ်မႃႇၸရိယ။
• တေလႆႈလူင်ႇလႅၼ်ႇ လိၵ်ႈလူင်၊ လိၵ်ႈမၢၼ်ႈ၊ လိၵ်ႈဢင်းၵိတ်ႉ လႄႈမေႃလူမေႃတႅမ်ႈလီလီ။